വരികയെൻ സഹജരേ, വീരേതിഹാസമാവുക
വിണ്ണിലും മണ്ണിലും വിപ്ലവക്കൊടി പാറിക്കുക
വാക്കുകളിലഗ്നി നിറയ്ക്കുക, വസന്തമാവുക
വരും തലമുറയ്ക്കാകെയായ് സ്വപ്നഭൂമിയൊരുക്കുക
ജാതിമത ഭേദം വെട്ടി ജമ്മു താണ്ടിയാട്ടുക
ജാതകക്കുറിയെടുത്ത് ജമുനയിലൊഴുക്കുക
ജീവിതപ്പെരും പാതയിൽ പൊരുതി ജേതാവാകുക
ജയജയം പാടുക,ചേലോടെ ചെങ്കൊടിയേന്തുക
സാമ്പത്തികപ്പുകിലു കാട്ടും സാത്താൻ കുരിശേറട്ടെ
സർപ്പദോഷം ചൊല്ലി മെരുക്കും സൂത്രധാരി തുലയട്ടെ
സുഖ ലോലുപതയിൽ മന്ത്രിച്ചൂതും താടിക്കാരനൊടുങ്ങട്ടെ
സിംഹാസനമേറാനിനിയൊരു തൊഴിലാളിപ്പടയെത്തട്ടെ
ഈങ്ക്വിലാബ് മുഴങ്ങട്ടെ, ഇവിടം സ്വർഗ്ഗമാകട്ടെ
അരിവാൾ ചുറ്റിക നക്ഷത്രം അടയാളക്കൊടി പാറട്ടെ
ഇക്കരയാകെ ചുവക്കട്ടെ, ഇത്തിൾക്കണ്ണി നശിക്കട്ടെ
അജ്ഞതയോടിയൊളിക്കട്ടെ, അറിവിൻ ദീപം തെളിയട്ടെ
00000000000000000000000000000000000000000
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ