ഉയരട്ടെ വാനിലീ ഈങ്ക്വിലാബിന്റെ ഈണം
ഉണരട്ടെ മാനവ ഹൃത്തിലെന്നും ചെങ്കൊടി
പൊരുതട്ടെ തൊഴിലാളി വർഗ്ഗത്തിനായെന്നും
പുലരട്ടെ പുതിയൊരു ജനാധികാര ദേശം
കതിരിടും വയലേലകളൊക്കെയുമെൻ കാതരേ
കൊയ്തു പോകാനിനി വരില്ലൊരു കുപ്പായമിട്ടവൻ
കൊഞ്ചിക്കുഴഞ്ഞ് നല്ല തഞ്ചത്തിലാടും നം മക്കളെ
കൂര പൊക്കി കാമകേളിയാടുവാൻ തുനിയില്ലിനിയാരുമേ
പുതു യുഗം പിറക്കും പൊയ് മുഖങ്ങളൊക്കെത്തെറിക്കും
പൂ മരങ്ങളിൽ പുഴ,യരുവിയിൽ പൊൻ വസന്തം തുടിക്കും
മുഷ്ടികളുയരും അധികാരക്കലിയൊക്കെയുമൊടുക്കും
മാർക്സിസത്തിൻ മുദ്രാവാക്യ മാറ്റൊലിയിൻ കാറ്റടിക്കും
ചട്ടമിട്ട്, തിട്ടമിട്ട്, തീട്ടൂരം കെട്ടും ദുഷ് പ്രഭുക്കളെ
ചുട്ടി കുത്തി, ചൂട്ടെരിച്ച്, കഴുതപ്പുറമേറ്റിയൊടുക്കണം
ചിട്ടയിൽ ചമച്ചൊരു പറുദീസയായ് നാടുണരണം
ചെങ്കൊടിയുയരണം, വാനിൽപ്പറക്കണം, വസന്തമാകണം
==================================================
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ