ഹൃദയവേണീ മീട്ടുക നീയീ
മാഞ്ചുനയേറ്റൊരു തംബുരു വീണ്ടും
പ്രണയ സ്വരൂപിണീ ആടുക നീയെൻ
നെഞ്ചകം നല്ലൊരു മണ്ഡപമാക്കി
പത്മതീർത്ഥക്കരയിലേ, പളുങ്കു കൽപ്പടവിലായ്
നിൻ പൂവുടൽ തഴുകിയ കാറ്റാവാം സഖീ
കൃഷ്ണപക്ഷത്തിലേ, കാർമുകിൽ കെട്ടിലെ
കനകാംബര മണമുള്ള നിൻ കൂന്തൽ തൊടാം
[ഹൃദയ വേണീ]
ഏഴു സ്വരങ്ങളും രാഗാർദ്ര സ്വപ്നങ്ങളും
വീണ്ടുമീ വിപഞ്ചികയിൽ തളിർക്കട്ടെ
ഏകാന്ത വീചിയിൽ എരിഞ്ഞ കനവൊക്കെയും
ഏഴുതിരിയുമിട്ടിനി ജ്വലിക്കട്ടേ, പ്രിയേ പൂക്കട്ടെ
[ഹൃദയ വേണീ]
പുല്ലാങ്കുഴലിൻ പ്രേമ നാദമായ്, എൻ പ്രേയസീ നീ
പടരുകയെന്നിൽ, പ്രിയതേ പാടിപ്പതിയുകയെന്നും
പവിഴദ്വീപിലെ പൊന്മാനായെൻ, തിങ്കളേ നീ
പൊന്നുഷസ്സിലെന്നും തുടിക്കുകയെന്നിൽ
[ഹൃദയ വേണീ ]
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ