നമ്മളേ ജയിക്കൂ, നാമേ നയിക്കൂ
നന്മയൊരു കോടി നമ്മിലേ പൂക്കൂ
നന്നായ് പൊരുതൂ, നറുമലരായ് വിടരൂ
നായകനായുയർന്ന് ചെങ്കൊടിയേന്തൂ
സപ്ത സാഗരമതിനപ്പുറം കനവുണരണം
സർഗ്ഗ ചേതനയാലായിരം കവിത രചിക്കണം
സഹന സമരങ്ങളിൽ നീ അമരത്ത് നിൽക്കണം
സഖാവെന്ന വാക്കിൻ ശക്തിയാൽ ജ്വലിക്കണം
ഈങ്ക്വിലാബിന്റെ ഈണമൊരു സുഖ സാന്ത്വനം
ഈരേഴു ലോകവുമേറ്റ് പാടുമൊരു യുഗ മന്ത്രണം
ഇമ്മണ്ണിലിനിയും നൂറുനൂറു പൂക്കൾ ചോക്കണം
ഇവിടെയിനിയാരും കീഴാളരാവാതെ കാക്കണം
അധികാര കേന്ദ്രങ്ങളാശ്രിതനെ നമിച്ചിടും
അർഹരായോരൊക്കെയും ഗുണമനുഭവിച്ചിടും
അശരണർക്കഗതികൾക്ക് കാവലായ് നിന്നിടും
അരിവാൾ ചുറ്റിക നക്ഷത്രമെന്നും ഉയർന്നിടും
00000000000000000000000000000000000000
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ